थाइल्यान्डका एक बौद्ध भिक्षु अम दीरुएनरामले आफ्नी पूर्वप्रेमिकालाई अर्कै पुरुषसँग देखेपछि रिसको सुरमा खड्ग प्रहार गरेर हत्या गरेका छन् । 

उनले आफ्नो भ्यान चलाएर जाँदै गर्दा बाटोमा पूर्वप्रेमिका लामपाई बुआलोईलाई देखेका थिए । 
 

बुआलोई नयाँ प्रेमीसँग एउटा गाडीमा बसिरहेको देखेपछि उनले क्रोध थाम्नै सकेनन् । 

त्यसपछि उनले आफ्नो भ्यान बुआलोईको घर अगाडि रोकिराखेको गाडीमा लगेर ठोकेका थिए । 

भिक्षुले लडाइँ गर्न खोजेपछि गाडीबाट नयाँ प्रेमी निस्केर भागेका थिए । 

त्यसपछि भिक्षुले आफ्नो भ्यानभित्र रहेको खड्ग निकालेर पूर्वप्रेमिकालाई हिर्काएर हत्या गरेका थिए । उनी त्यतिखेर गर्भवती थिइन् । 

प्रहरीले भिक्षुलाई घटनास्थलमै पक्राउ गरेको थियो । त्यतिखेर उनी भिक्षुकै परिधानमा थिए । 
 

अनुसन्धानकर्मीहरूले महिलाको शिर र शरीरमा अनेकौं घाउचोट फेला पारेका छन् ।