०९ असार २०८३, मंगलबार
अमेरिकी विदेशमन्त्री माइक पोम्पियोले एक भर्चुअल सम्मेलनमा चीनमाथि हमला गरे । २०२० कोपनहेगन डेमोक्रेसी समिटमा शुक्रवार पोम्पियोले युरोपियन देशहरूले या त बेइजिङ चुन्नुपर्ने या त वाशिंगटन चुन्नुपर्ने बताए ।
उनले भने, ‘यो विकल्प अमेरिकाका लागि होइन, स्वतन्त्रता र आत्याचारका बीच छान्नुपर्छ ।’ उनले चिनियाँ कम्युनिस्ट पार्टीलाई दुष्ट भएको आरोप लगाए ।
चीनको सरकारी समाचारपत्र ग्लोबल टाइम्सले पोम्पियोको वक्तव्यमा आफ्नो विचार राखेको छ । ग्लोबल टाइम्सले लेखेको छ, ‘चीन र युरोपबीच मूल्य र राजनीति प्रणालीमा मतभेद छ तर के पोम्पियोले चीनलाई लिएर जुन रुप देखाइरहेका छन् उनको आरोप तथ्यसँग मेल खान्छ त ?’
पोम्पियोको भाषणको उद्देश्य युरोपियन देशहरूलाई अमेरिकातर्फ खिच्नु रहेको बताउँदै ग्लोबल टाइम्सले लेखेको छ, ‘युरोपियन देशहरू चीनको तुलनामा अमेरिकासँग नजिक छन्, तर अब प्रश्न यो छ कि युरोपियन देशहरूले आफ्नो हितलाई छोड्नै पर्ने हो त ?’
ग्लोबल टाइम्सले अमेरिकाले जबरजस्ती चीनलाई बाँकी देशबाट अलग गर्न खोज्नु घातक नियत रहेकोसमेत बताएको छ ।
