१० असार २०८३, बुधबार
भारतको जोधपुरमा एक कर्मचारीले रेस्टुराँ सञ्चालकसँग तलब माग्दा कुकुरको टोकाइ सहनुपरेको छ ।
तलब माग्दा रिसाएका सञ्चालकले घरपालुवा कुकुर कर्मचारीमाथि छोडेका थिए । कर्मचारी घाइते भए ।
रेस्टुराँ मालिकमाथि प्रहरी चौकीमा उजुरी दर्ता गरिएको छ ।
पीडित कर्मचारीले बताएअनुसार, एक महिनाको तलब माग्दा मालिकले कुकुर छोडे । आफूलाई तलब दिलाउन र रेस्टुराँ सञ्चालकविरुद्ध कारवाही गराउन उनले गुहार लगाएका छन् ।
पीडित कर्मचारीको नाम कल्याण सिंह हो । उनले प्रहरी कार्यालयमा गएर उजुरी दर्ता गराएका हुन् ।
प्रहरीले घटनाको अनुसन्धान आरम्भ गरेको छ ।
