१७ असार २०८३, बुधबार
इथियोपियाका केही क्षेत्रमा हिंसा भड्किँदा ८१ मानिसको मृत्यु भएपछि बुधवार सेना परिचालन गरिएको छ ।
सोमवार लोकप्रिय संगीतकार हाकालू हुन्डीसालाई गोली हानेर हत्या गरिएपछि हिंसा भड्किएको हो । प्रहरीका अनुसार, हुन्डीसालाई तारो बनाएरै हत्या गरिएको हो ।
हत्याको विरोधमा प्रदर्शन हुन थाले अनि राजनीतिक रूपमा किनारीकृत गरिएको भावले पनि मानिसहरूलाई क्रुद्ध बनायो । राजधानी अदिस अबाबा तथा अन्य शहरमा विरोध प्रदर्शन भए ।
हाकालू देशको सबभन्दा ठूलो जातीय समूहका सदस्य थिए । उनको हत्यापछि उब्जेको तनावले देशको लोकतान्त्रिक संक्रमणलाई जोखिममा पारेको छ ।
‘
अहिलेसम्म ८१ जनाको मृत्यु भइसकेको छ जसमा ओरोमिया विशेष प्रहरी बलका तीन सदस्य पनि छन्,’ ओरोमिया प्रहरी प्रमुख बेदास्सा मर्दासाले बताए ।
विभिन्न टोलहरूमा गोलीको आवाज सुनियो अनि लामो छुरी र लठ्ठी लिएर हिँडेका मानिस सडकमा घुमिरहे । ओरोमो मूलका युवाले शहरका अन्य जातीय समूहका मानिससँग भिडन्त गरेको प्रत्यक्षदर्शीहरूले बताए । दुवै पक्ष प्रहरीसँग पनि भिडेका थिए ।
सेनालाई केही क्षेत्रमा तैनाथ गरिएको तीनजना प्रत्यक्षदर्शीले बताए ।
