चीन सरकारले मानिसहरूलाई थप प्रोटीन पाएर शरीरको रोगप्रतिरोधक क्षमतामा वृद्धि गराउन दूध पिउन जोड दिन थालेको छ । 

‘मातापिताले आफ्ना सन्तानका लागि बिहानीपख पर्याप्त दूध र अण्डा तयार पार्नुपर्छ,’ शांघाईको हुआशान अस्पतालमा सरुवा रोग विभागका चिकित्सक झाङ वेनहोङले बताए ।

झाङको यो विचारलाई सरकारबाट पनि समर्थन पप्त छ । यस वर्ष चीनको संसद् नेसनल पिपुल्स कंग्रेसमा एक सांसदले सबै व्यक्तिलाई दिनमा कम्तीमा ३०० ग्राम दूध पिउन उत्प्रेरित गर्न रणनीति बनाउनुपर्ने बताए । 

उनका टिप्पणीले सामाजिक सञ्जालमा बहस निम्त्यायो । दूधले कत्तिको अविकल्प पोषण दिन्छ, चीनको परम्परागत खानेकुरामा पशुबाट प्राप्त प्रोटीन कत्तिको आवश्यक छ र जिन्दगीभरि दूध पिउँदा खाद्य सुरक्षा र वातावरणमा कस्तो असर पर्छ भन्ने विषयमा बहस चलिरहेको छ । 
 

रोगप्रतिरोधक क्षमता बढाउनमा जोड दिँदा त्यसको वैश्विक परिणाम आउनसक्ने अनि अस्ट्रेलियाका डेरी फार्मदेखि अमेजन जंगलमा वनविनाशसम्म यसले असर पार्ने र जलवायु परिवर्तनका प्रयासलाई अवरोध गर्न सक्ने कुरा उठेका छन् । 

चीनमा कृषियोग्य भूमि सीमित भएकाले दूध सेवनमा वृछिको वैश्विक आयाम देखिन सक्छ । सन् २०१० सम्ममा चीनका गाईवस्तुलाई खुवाउने मकै ६ गुणाले बढेको थियो भने पशुले खाने सोयाबीन नौ गुणाले बढ्यो । 

चीनका गाईवस्तुबाट निस्कने ग्रीनहाउस ग्यास उत्सर्जन मिथेनको प्रमुख स्रोत हो र त्यो दोब्बर बढेको छ । 

चीनले ब्राजिलको तीन चौथाइ सोयाबीन किन्ने गरेको छ जसले गर्दा वनविनाश बढेको बताइन्छ ।