१२ साउन २०८३, मंगलबार
काठमाडौं, १९ वैशाख — अमेरिकाको विवादास्पद थाड क्षेप्यास्त्र प्रतिरक्षा प्रणाली दक्षिण कोरियामा पूर्ण सञ्चालनमा आएको अमेरिकी सेनाले जनाएको छ ।
अमेरिकी सेनाका एक प्रवक्ताले उक्त प्रणालीबाट उत्तर कोरियाका क्षेप्यास्त्रलाई प्रतिकार गर्न र दक्षिणलाई सुरक्षा दिन सकिने बताए ।
तर अधिकारीहरूले भने उक्त प्रणाली पूर्ण सञ्चालनमा आउन अझै महिनौं लाग्ने पत्रकारहरूलाई बताएका छन् ।
उत्तर कोरियाको लगातारको धम्की र अमेरिकी युद्धपोतको तैनाथीका कारण कोरियाली प्रायद्वीपमा तनाव बढिरहेको छ ।
सोमवार दुईवटा अमेरिकी बमवर्षक विमानले दक्षिण कोरियाली वायुसेनासँग संयुक्त अभ्यास गरेका थिए । यो नियमित अपरेसन भएको अमेरिकाले बतायो ।
यसैबीच अमेरिकाका राष्ट्रपति डोनाल्ड ट्रम्पले सबै परिस्थिति अनुकूल भएमा आफूले उत्तर कोरियाका सर्वोच्च नेता किम जोङ–उनसँग कुराकानी गर्न चाहेको बताएका छन् ।
बीबीसीबाट
