११ साउन २०८३, सोमबार
भनिन्छ, स्वस्थ जीवन नै अमूल्य धन हो।
तर, व्यस्त जीवनशैली, खानपान र आनीबानीका कारण हामी दिनप्रतिदिन अस्वस्थको शिकार बन्दै गएका छौं।
चिकित्सकले पनि शारिरिक व्यायाम नियमित गर्न र तौल नियन्त्रण गर्न सुझाव दिन्छन्।
झन्झट र अल्छी नमानी स्वस्थ आचरण र बानी व्यवहारको सुरुवात गर्न सके स्वस्थ रहन सकिन्छ।
त्यसका लागि अपनाउनुस् यी उपाय
-बिहान सबेरै उठ्नुहोस्
सधैँ सूर्योदय पूर्व उठ्नुहोस्। बिहान २० देखि ३० मिनेट नियमित व्यायाम गर्नुहोस्।
-एकाग्र रहनुहोस्
कम्तीमा ३० मिनेट एकाग्र रहेर श्वास–प्रश्वासमा ध्यान केन्द्रित गराउनुहोस्। यसबाट मानसिक तथा शारीरिक समस्याबाट छुटकारा पाउन सकिन्छ।
-पर्याप्त प्रशस्त पानी पिउनुहोस्
आफ्नो दिनको सुरुवात मनतातो दुई गिलास पानी पिएर गर्नुहोस्। दिनभर पर्याप्त पानी पिउनुहोस्।
-खानापछि आराम नगर्नुहोस्
खाना खाएपछि तुरुन्तै बेडमा पल्टिनु हुँदैन। कुर्सीमा पनि नबस्नुहोस्। बरु एकछिन हिँड्नुहोस् ।
-फाइबरयुक्त खाना खानुहोस्
धेरै मिठो, मसिनो र बाहिरको खानामा जोड नदिनुहोस् । घरमै बनाएर प्राकृतिक खाना खाने आदत बसाल्नुहोस् ।
