नयाँदिल्ली, २१ वैशाख– आफूलाई धर्मगुरु बताउने भारतका स्वामी ओम एकपटक फेरि चर्चामा आएका छन् । त्यो पनि सधैंको जस्तै केही उटपटाङ हर्कतबाट ।
बलिउड अभिनेता सलमान खानले सञ्चालन गर्ने टेलिभिजन कार्यक्रम ‘बिग बोस १०’को प्रतिस्पर्धी रहीसकेका ओम आफ्नो एक नयाँ भिडियोले चर्चामा आएका हुन् । जसमा स्वामी ओमको नयाँ अवतारलाई तपाईलाई हैरान गरिदिन सक्छ ।
यो भिडियोमा स्वामी पूर्ण निष्ठाका साथ ध्यान गरिरहेका देखिन्छ । उनका आँखा बन्द हुन्छन् र उनको आसपान एक बिकिनी मोडल देखिन्छिन् ।
बिकिनी रहेकी यी मोडेल स्वामीलाई आफूतर्फ आकर्षित गर्न पूरा कोशिष गरिरहेकी देखिन्छिन् । यो भिडियोमा ती मोडेल अनेक झटका देखाउँछिन् ।
भारतीय सञ्चारमाध्यमको खबरअनुसार स्वामीको वरपर चक्कर लगाउने ती मोडेलको नाम अनाम खान हो । जो भिडियोमा ‘चल सन्यासी मन्दिरमे’ बोलको गीतमा ठुम्का लगाइरहेको देखिन्छिन् ।
यो भिडियो अपकमिङ फिल्म ‘मन के मेल’ मा समावेश गरिएको छ । उक्त फिल्ममा ओमले अभिनय गरेका छन् ।
