२२ असार २०८३, सोमबार
केही घण्टा देखिको भारी वर्षाका कारण भक्तपुरमा बाढीको खतरा बढेको भन्दै जल तथा मौसम विज्ञान विभागले सचेत गराएको छ ।
विभागले सोमवार ट्वीट नगरकोट आसपास क्षेत्रमा पछिल्लो ३ घण्टा यता भारी वर्षा भएकाले सानोखोलामा एक्कासि बाढीको खतरा देखिएको जनाएको हो ।
साथै कमजोर र भिरालो जमिनमा पहिरोको पनि खतरा रहेको विभागले उल्लेख गरेको छ ।
'भक्तपुर जिल्लाको नगरकोट र आसपासका क्षेत्रमा पछिल्लो ३ घण्टा भारी वर्षा भएको र थप हुने सम्भावना रहेकोले सो क्षेत्र भई बहने सानाखोलामा एक्कासि बाढी र कमजोर भिरालो जमिनमा पहिरो जान सक्ने सतर्क रहौं,' विभागले भनेको छ ।
