०५ साउन २०८३, मंगलबार
चीनका पूर्व घरजग्गा व्यवसायी रेन झिचियाङलाई भ्रष्टाचार, घुुसखोरी तथा सार्वजनिक सम्पत्ति हिनामिनाको आरोपमा १८ वर्षको कारावास सजाय तथा ४२ लाख युआज जरिवानाको सजाय दिइएको छ ।
उनले सरकारी स्वामित्वको कम्पनीमा शक्ति दुरुपयोग गरेको अभियोग समेत रहेको चीनको सरकारी सञ्चारमाध्यमहरूले खबर दिएका छन् ।
हुआयुआन नामक सरकारी घरजग्गा व्यवसाय समूहका पूर्व अध्यक्ष रेनले राष्ट्रपति सी चिनफिङको आलोचना गर्ने गरेका छन् ।
बेइजिङ नम्बर २ इन्टरमिडिएट कोर्टले आफ्नो वेबसाइटमा यस सजायको घोषणा गरेको रोयटर्स समाचार संस्थाले लेखेको छ ।
गत जुलाई महिनामा रेनलाई चिनियाँ कम्युनिस्ट पार्टीको राजनीतिक, सांगठनिक मर्यादा तथा अनुशासन उल्लंघन गरेको आरोप लगाइएको थियो ।
उनलाई पार्टीबाट निष्काशन गरिएको र उनले अवैध रूपमा जम्मा गरेको सम्पत्ति जफत गरिएको बेइजिङ सिचेङस्थित अनुशासन निरीक्षण तथा सुपरीवेक्षण कमिटीले आफ्नो वेबसाइटमा उल्लेख गरेको छ ।
