कात्तिक २२, २०८०
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
पोखराकी गंगादेवी गुरुङ सौन्दर्यकर्मी हुन् । विगतमा उनलाई आफन्तले विदेश जान सल्लाह नदिएका होइनन्, तैपनि स्वदेशमै केही गर्ने सोचका लागि विदेश जाने मोह त्यागिन् । स्वदेशमै बसेर सानोतिनो सौन्दर्य व्यवसाय सञ्चालन गरिन् ।
सौन्दर्य क्षेत्र उनको सानैदेखिको इच्छा हो । घरपरिवारसँग पैसा मागेर ब्यूटी कोर्स सिकिन् । करीब १ वर्षसम्म सिकिसकेपछि पोखराको अमरसिंह चोकमा ‘तमुस्यो ब्युटी ट्रेनिङ होम’ खोलिन् ।
थोरै–थोरै भएको आम्दानीलाई उनले लगानी थप्दै गइन् । केही बैंकबाट ऋण पनि लिइन् । हाल उनको व्यवसायमा २० लाख रुपैयाँ लगानी परेको छ । उनले ५ जनालाई रोजगारी समेत दिइन् । व्यवसाय सञ्चालन भएको पनि १० वर्ष बितिसक्यो ।
तर नेपालमा कोरोना भाइरस (कोभिड–१९) महामारीले यतिखेर उनको व्यवसाय नराम्ररी प्रभावित बन्यो । व्यवसायमा ताला लगाइएको ६ महिना भइसक्यो । यसबीचमा उनले मासिक घरभाडा २० हजार, कर्मचारी तलब ५० हजार, बैंकको किस्ताबन्दी, बिजुली, पानी खर्च तिर्न सकेकी छैनन् ।
दैनिक ८–१० हजार रुपैयाँ आम्दानीको बाटो पनि छेकिएको छ । व्यवसाय कहिले खोल्न पाइन्छ, त्यो पनि निधो छैन । उनीजस्तै अधिकांश स्वरोजगार ब्यूटीसियनहरू यतिखेर चिन्तामा डुबेका छन् ।
कोरोना भाइरस संक्रमणको प्रभावका कारण अधिकांश सेवाहरू लकडाउन तथा निषेधाज्ञाको प्रभावमा परेकोमा पछिल्लो समय केही सञ्चालनमा आइसकेका छन् । तर हालसम्म पनि बन्द रहेको एक व्यवसाय हो – ब्यूटीपार्लर व्यवसाय ।
सरकारले गत वर्ष चैत ११ गतेदेखि ब्यूटीपार्लर व्यवसायलाई खोल्न दिएको छैन । सेवाग्राहीसँग ‘टच’ भई सेवा दिनुपर्ने भएकाले कोरोना संक्रमण जोखिमका कारण यो व्यवसाय ६ महिनादेखि बन्द छ । यहाँ भौतिक दूरी कायम गर्न कठिन छ ।
यही पेशा गरेर जीवन निर्वाह गर्दै आएका स्वरोजगार ब्यूटीसियनले आफूहरूले पनि ब्यूटीपार्लर खोल्न पाउनुपर्ने माग गरेका छन् । यही पेशा गरेर घरपरिवार चलाउनुपर्ने उनीहरूले लामो समयदेखिको घरभाडा तिर्न बाँकी रहेको, बैंकको किस्ताबन्दी र ब्याज बुझाउन नसकेको र सरकारलाई तिर्नुपर्ने कर चुक्ता गर्न नसकेको भन्दै तत्काल व्यवसाय सञ्चालन गर्न दिनुपर्ने माग गरेका छन् ।
राष्ट्रिय सौन्दर्यकर्मी युनियन नेपालकी अध्यक्ष सुमन गुरुङले सरकारले अन्य सेवा, व्यवसाय खोल्न सकिने गरी छुट दिए पनि आफूहरूलाई अझै छुट नदिँदा विस्थापित हुने अवस्था आएको बताइन् । गुरुङका अनुसार युनियनमा मात्र देशभर करीब ५ हजार स्वरोजगार ब्यूटीसियन छन् । एउटा ब्यूटीपार्लरमा सरदर २ जना कर्मचारी कार्यरत रहे पनि देशभर करीब १० हजार जनाको रोटीरोटी खोसिएको हुँदा यसको विकल्प दिनुपर्ने उनले बताइन् ।
स्वास्थ्य सुरक्षाको आवश्यक मापदण्ड अपनाएर पेशा व्यवसाय सञ्चालन गर्न तयार रहेको जानकारी दिँदै तत्काल खोल्ने स्वीकृति दिन देशभर प्रदेश तथा जिल्लास्तरमा युनियनले ज्ञापनपत्र बुझाएको छ ।
राष्ट्रिय सौन्दर्यकर्मी युनियनकी संस्थापक अध्यक्ष एवं गण्डकी प्रदेश सांसद मीना गुरुङले कोरोनाले आफ्नो व्यवसाय चौपट भएको बताइन् । हातमा सीप बोकेका विशेषगरी सयौं महिला दिदीबहिनीको रोजीरोटी गुमेको उनले बताइन् । यही पेशामै मानिसहरूलाई टिकाइराख्न र विस्थापित हुन नदिन सरकारले विशेष सम्बोधन गर्नुपर्ने उनको माग छ ।
युनियन जिल्ला कमिटीले बुधवार कास्कीका प्रमुख जिल्ला अधिकारी ज्ञानप्रसाद ढकालसमक्ष ब्यूटीपार्लर खोल्न आवश्यक पहलका ज्ञापनपत्र बुझाएको युनियन महासचिव पवि गुरुङले जानकारी दिइन् ।
युनियनले सौन्दर्यकला क्षेत्रको संरक्षण र प्रवद्र्धनका लागि सरकारसँग गत जेठमै पनि माग गरेको थियो । युनियनले कोरोना भाइरसका कारण यस क्षेत्रमा उद्यमशील तथा स्वरोजगारको भविष्य धरापमा परेको भन्दै राहतका प्याकेज ल्याउन ५ बुँदे माग राखेको थियो । सोको हालसम्म सम्बोधन नभएको युनियन अध्यक्ष सुमन गुरुङले गुनासो गरिन् ।
व्यवसायीले बैंक व्याज तथा करमा विशेष छुट हुनुपर्ने, लकडाउनभरको घरभाडा मिनाहा वा छुट व्यवस्थाका लागि सरकारबाट पहल हुनुपर्ने, संलग्न सबै सौन्दर्यकर्मीको दैनिक जीवन निर्वाहको लागि राहत प्याकेज घोषणा गरिनुपर्ने, सौन्दर्य पेशा संरक्षण र प्रवद्र्धन गर्न कानूनअनुसार दर्ता भएका र सीटीईभीटीबाट प्रदान गरिएको प्रमाणपत्र आधारमा सहुलियत दरमा ऋण उपलब्ध गराउनुपर्ने र बैंक व्याज तथा किस्ता तिर्ने समयसीमा आगामी माघसम्म थप गरिनुपर्ने माग गरिएको थियो ।
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...