१० असार २०८३, बुधबार
नेपाल चिकित्सक संघले ७२ घण्टाभित्र वार्ता टोली गठन गरी वार्ता र संवादको माध्यमबाट डा गोविन्द केसीको सत्याग्रहको अन्त गर्न सरकारसंग माग गरेको छ ।
२१ दिन पुगी सक्दा समेत सरकारले वार्ताटोली पनि गठन नगरि बेवास्ता गरेको भन्दै संघले ७२ घण्टामा वार्ता टोली गठन नगरे आन्दोलनमा उत्रिने चेतावनी दिएको हो ।
चिकित्सक संघका महासचिव डा. बद्री रिजालले आइतवार एक विज्ञप्ती प्रकाशित गरी डा. के.सी.को स्वास्थ्य अवस्था गम्भिर मोडमा पुगेको परिस्थितिमा सौहार्दपूर्ण वातावरणमा वार्ता र सम्वादको माध्यमबाट उत्पन्न समस्याको समाधान गर्न माग गरेका हुन ।
‘७२ घण्टाभित्र पनि नेपाल सरकारले वार्ता टोली गठन गरी डा. के.सी.को जीवन रक्षाका निम्ती कुनै पहल अगाडी नबढाइएको अवस्थामा नेपाल चिकित्सक संघले जस्तो सुकै कठोर कदम चाल्न बाध्यहुने र यसबाट उत्पन्नहुन सक्ने गम्भिर परिस्थितिप्रति नेपाल सरकार नै जिम्मेवार हुनेछ’ विज्ञप्तिमा भनिएको छ ।
