०५ साउन २०८३, मंगलबार
अक्षय कुमारको नयाँ फिल्म बेलबटमको टीजर सोमवार सार्वजनिक भएको छ ।
३० सेकेन्ड लामो टीजरमा उनी लामा जुंगा र बेलबटम स्टाइलको पाइन्ट लगाएर धावनमार्गमा हिँडेको देखिन्छ ।
फिल्मको टीजर इन्स्टाग्राममा शेयर गर्दै अक्षयले लेखे, ‘ गो बेलबटम । यसले तपाईंलाई सन् १९८० को दशकको रोमाञ्चक याद दिलाउनेछ ।’
फिल्ममा अक्षयसँग वाणी कपूर पनि देखिनेछिन् । अनि हुमा कुुरैशी र लारा दत्ताको पनि महत्त्वपूर्ण भूमिका रहनेछ ।
फिल्ममा अक्षय भारतीय गुप्तचर निकाय रको अधिकारी बनेका छन् । फिल्मको अधिकांश शूटिङ स्कटल्यान्ड र लन्डनमा भएको हो ।
कोरोना महामारीका बीच शूटिङ शुरू गरेर सक्ने यो पहिलो फिल्म हो ।
फिल्म सन् २०२१ को अप्रिल २ मा रिलीज हुन लागेको छ ।
