कोभिड–१९ को विश्वव्यापी संक्रमणबाट उन्पन्न असहज परिस्थितका कारण विदेशमा अलपत्र परेका र स्वदेश आउनै पर्नेहरू नेपाल फर्किने क्रम जारी रहेको छ । कोभिड–१९ संकट व्यवस्थापन केन्द्रका अनुसार सोमबार विभिन्न देशबाट १०५२ नेपाली स्वदेश फर्किएका छन् । कतार, युएई, साउदी र मलेसियाबाट सो संख्याका नेपालीहरु स्वदेश फर्किएका हुन् ।

यस्तै हालसम्म १ लाख ३ हजार ८०७ नेपाली स्वदेश फर्किएका छन् भने नेपाली फर्किने मध्ये सबैभन्दा धेरै युएईमा कार्यरत श्रमिकहरु रहेका छन् ।

सरकारले अन्तरराष्ट्रिय उडानमा रोक लगाएपछि सुरुमा अलपत्र परेका नेपालीलाई नेपाल ल्याउन उद्धार उडान गरेको थियो भने पछिल्लो समय सीमित संख्यामा नियमित उडान समेत सञ्चालनमा आएको छ ।