१४ असार २०८३, आइतबार
कोभिड–१९ महामारीका कारण उत्पन्न असहज परिस्थितिका कारण विदेशमा अलपत्र परेका र स्वदेश फर्किनै पर्ने नेपालीहरु स्वदेश फर्किने क्रम जारी छ । कोभिड–१९ संकट व्यवस्थापन केन्द्रका अनुसार बिहीबार कतार, टर्की, युएई, मलेसिया र साउदी अरेबियाबाट विभिन्न फ्लाइटका नेपालीहरु स्वदेश फर्किएका छन् ।
हालसम्म स्वदेश फर्किने नेपालीको संख्या १ लाख ७ हजार ६९१ पुगेको केन्द्रले जनाएको छ । फर्किने मध्ये सबैभन्दा धेरै खाडी मुलुकमा पुगेका श्रमिकहरु छन् ।
सरकारले कोरोना महामारीका कारण अन्तर्राष्ट्रिय उडान रोकिएपछि सुरुमा चार्टर उडानमार्फत नेपाली ल्याएको थियो भने हाल नियमित उडानमार्फत नै पनि मापदण्ड पूरा गरेर नेपाली स्वदेश ल्याउने गरिएको छ ।
