०६ असार २०८३, शनिबार
काठमाडौं, २७ वैशाख — अमेरिका र उत्तर कोरियाका बीच सम्बन्ध लगातार बिग्रिरहेको छ । एकले अर्कालाई धम्की दिने क्रम जारी छ ।
यसैबीच अमेरिकाले आफ्ना नागरिकहरूलाई कुनै पनि हालतमा उत्तर कोरिया नजान चेतावनी दिएको छ । दुवै देशका बीचको स्थिति विस्फोटक भइसकेकाले जोखिम नउठाउन अमेरिकाले लगाएको हो ।
उत्तरले एक अमेरिकी नागरिकलाई शत्रुतापूर्ण गतिविधि गरेको आरोपमा पक्राउ गरेपछि अमेरिकाको यो ट्राभल एड्भाइजरी आएको हो ।
तनाव बढिरहेका बेलामा चार अमेरिकी नागरिकलाई उत्तरले बन्दी बनाइसकेको छ ।
उत्तर कोरियाले अमेरिकी बन्दीहरूलाई कठोर सजाय दिने गरेको छ । उनीहरूका विरुद्ध युद्धको बेलामा लगाइने कानून लगाएर सजाय दिइन्छ ।
हालै उत्तर कोरियाले किम हाक–सङ नामक व्यक्तिलाई पक्राउ गरेको थियो ।
एजेन्सी
