१७ असार २०८३, बुधबार
अमेरिकाको राष्ट्रपति निर्वाचनमा अन्तिम परिणाम आउन समय लागेपछि षड्यन्त्र सिद्धान्तहरूको सामाजिक सञ्जालमा छ्यासछ्यास्ती आउन थालेका छन् ।
एरिजोनामा शार्पीगेट ह्याशट्यागमा षड्यन्त्र सिद्धान्त चलाइन थालेको छ ।
मारिकोपा काउन्टीमा निर्वाचन अधिकारीहरूले मतदातालाई शार्पी कलम दिएको र यसले गर्दा मतदाताहरूलाई राष्ट्रपति डोनल्ड ट्रम्पलाई भोट दिन गाह्रो परेको खबर फैलाइँदैछ । यसमा कुनै प्रमाण छैन ।
एरिजोनाका निर्वाचन अधिकारीहरूले मतदानमा शार्पी प्रयोग गरिएको तर त्यसले मतपत्र रद्द नभएको बताए । मतपत्र गन्दाखेरी मसी नलतपतियोस् भनी शार्पी कलम प्रयोग गर्न दिएको मारिकोपा काउन्टी इलेक्सन्स डिपार्टमेन्टले चुनावको दिन ट्वीट गरेको थियो ।
तर ८ लाख २० हजारभन्दा बढी भ्युज पाइसकेको एक भिडियोमा एक महिलाले चार विभिन्न मतदान केन्द्रमा शार्पी प्रयोग गरेको र एक पुरुषले उनलाई यी मतपत्रहरू गणना नगरिएको र यी अवैध भएको बताएको सुनिन्छ ।
‘उनीहरूले खसेको मतलाई पनि अवैध बनाइरहेका छन्,’ ती पुरुष भन्छन् ।
उनले मतदाताहरूलाई डटपेन उपयोग गर्न सुझाव दिन्छन् ।
