२१ जेठ २०८३, बिहीबार
अमेरिका लागि प्रस्तावित राजदूत डा. युवराज खतिवडा, बेलायतका लागि प्रस्तावित लोकदर्शन रेग्मी र दक्षिण अफ्रिकाका लागि प्रस्तावित निर्मलकुमार विश्वकर्माको संसदीय सुनुवाइ चलिरहेको छ ।
संसद सचिवालय सिंहदरबारमा जारी सुनुवाइमा शुरूमा अमेरिकाका लागि प्रस्तावित खतिवडासँग सांसदहरूले प्रश्न गरिरहेका छन् ।
समितिको बैठकमा आफ्ना कुरा राख्दै खतिवडाले नेपाल र अमेरिकाबीच भएका सन्धिसम्झौता कार्यान्वयन गर्ने बताए । उनीसँग सांसदहरूले अमेरिकी सहयोग मिलेनियम च्यालेन्ज कर्पोरेसन (एमसीसी)बारे प्रश्न गरिरहेका छन् ।
संसदीय सुनुवाइ समितिले अनुमोदन गरेपछि उनीहरूलाई राजदूत नियुक्त गर्न राष्ट्रपतिलाई बाटो खुल्ने छ । सरकारले असोज १५ गते उनीहरूलाई राजदूत सिफारिश गरेको थियो ।
