माघ १३, २०८०
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
मंसिर ४, २०७७
कर्णाली विकासमा किन पछि परेको हो भन्ने कुरा कालीकोट पुगेर एक कृषि सडकको हविगत हेर्दा थाहा हुन्छ । बर्सेनि गाउँमा जाने लाखौं बजेट उपभोक्ता तथा कर्मचारीको मिलेमतोमा फरफारक हुन्छन्, कागजमा योजना सम्पन्न हुन्छ, अनि भुक्तानी पनि हुन्छ ।
कालीकोटको खाँडाचक्र नगरपालिका वडा नं. ५ मा भूमि व्यवस्था कृषि तथा सहकारी मन्त्रालयले आर्थिक वर्ष २०७५/०७६ मा ५० लाख र ०७६/७७ मा थप २५ लाख रुपैयाँ विनियोजन गर्यो । तेस्रो बजारदेखि भुलुटिप हुँदै शुभकालिका कृषि सडकका लागि भन्दै जिल्लास्थित कृषि विकास कार्यालयले उक्त योजना लागि अनुगमन गर्ने, कार्यान्वयन गर्ने र भुक्तानी दिने काम गर्यो तर त्यो सडकमा ट्याक्टरसमेत गुड्न सक्ने अवस्था छैन ।
करीब पौने करोड खर्च भएको उक्त सडकको बीचमा ठूल्ठूला ढुंगाहरू छन् । गाडी हिँडने लिक छैन भने बाटो अत्यन्तै साँघुरो छ । त्यहाँका उपभोक्ताबीचको विवादले सडक निर्माणमा कसैको ध्यान जान सकेको छैन । जसरी पनि आफ्नो व्यक्तिलाई उपभोक्ता समितिमा ल्याउन स्थानीय प्रतिनिधिहरू कम्मर कसेर लागेका छन् ।
आर्थिक वर्ष २०७५ र ०७६ मा उक्त सडकका लागि उपभोक्ता समितिको अध्यक्षमा कलबहादुर कार्की चुनिए । पचास लाखको आयोजनामा उनले डोजर लगाए । १८ लाखको जाली भरे । उनले आफ्नो घर जोगाउन अनावश्यक रूपमा जाली भरे । वडा सदस्य दुर्गबहादुर शाहीसँगको मिलेमतोमा त्यो वर्ष काम सम्पन्न गरे । पाँच लाख रुपैयाँ डीपीआर भनेर कार्यालयले नै काट्यो । ‘कन्टिजेन्सीसमेत काटेर कार्यालयले उनलाई ३९ लाख दियो । ५० लाखको काममा ३९ लाख रुपैयाँ हामीले पायौं । अरू सबै कार्यालयलाई नै थाहा होला,’ उनी भन्छन् ।
उनले खोलेको ट्रयाकमा न त मोटरसाइकल नै चल्छ न त ट्याक्टर नै । त्यत्रो रकम खर्चेर डोजरको सहयोगमा १६ सयमिटर सडक उनको पालामा खोलिएको थियो ।
आर्थिक वर्ष २०७६/०७७ मा सोही आयोजनाका लागि भन्दै कार्यालयले २५ लाख रुपैयाँ बजेट विनियोजन गरेको थियो । त्योमध्ये २३ लाख भुक्तानी भइसकेको कार्यालयले दिएको विवरणमा उल्लेख छ । कमल चौलागाईं अध्यक्ष रहेको यो समितिले १२ लाख रुपैयाँ डोजरलाई सिधै भुक्तानी गरेको छ । अध्यक्ष चौलागाईंले भने, ‘हामीलाई कार्यालयले बिरुवासहित २१ लाख पचास हजारको भुक्तानी दिएको छ । हामीले गरेको काममा कुनै गडबडी भएको छैन । शुरूमा उपभोक्ता समिति गठन गर्ने बेलामा यहाँका जनप्रतिनिधिले हामीलाई असहयोग गरेका थिए ।’
साढे ६ हजार प्रति घण्टाको दरमा डोजरलाई भुक्तानी दिएपनि १८५ घण्टा अर्थात् ८ दिन निरन्तर काम गर्नुपर्नेमा बढीमा ७० घण्टामात्रै काम गरिएको र आठ सय मिटर मात्रै सडकको ट्याक खोलिएको स्थानीयको गुनासो छ । वडा सदस्य गोरख कार्कीले यो वर्ष भएको कामको बारेमा उपभोक्ता समितिले आफूहरूसँग सहकार्य नगरेको बताए ।
‘हामीसँग उहाँहरूले केही पनि सहकार्य गर्नुभएन । एकदुई दिन डोजर आएको र खनेको देखेका थियौं,’ उनले भने, ‘त्यसपछि कति भुक्तानी लिए, के गरे थाहै भएन । उनले डीपीआरभन्दा फरक स्थानमा बाटो काटिएको बताए ।’
लार्सीसम्मका लागि यहाँबाट बाटो लैजाने योजना थियो । यो समितिले डीपीआरभन्दा ६ सय मिटर अलग बाटो खनेको छ । उनले भने, ‘बाटोमा ट्याक्टर पनि चल्दैन । माटो बढी भएको स्थानतर्फ बाटो मोडेर भीरमा लगिएको छ । यो बाटो दीर्घकालीन हुने मैले देखेको छैन ।
वडा नं. ५ का अध्यक्ष षडानन्द चौलागाईंले सडकको अवस्था दयनीय भएको बताए ।
‘हामीले सडकमा वडा कार्यालयबाट बजेट व्यवस्था गरेर भएपनि बाटो सुधार गर्नुपथ्र्यो तर सकेनौं, यसको एउटै कारण यो वर्ष पनि प्रदेश सरकारबाट २० लाख बजेट आउँछ कि भन्ने ठानेका थियौं तर त्यस्तो भएन,’ उनले भने, ‘समितिले वडासँग सहकार्य नगरेका कारण यस्तो भएको हो । हाम्रो सम्पर्कमा नै यी समिति आउनै चाहेनन् ।’
उनले अब वडा कार्यालयबाट नै भएपनि यो सडकमा केही लगानी गरेर सवारी साधन चल्ने बनाइने बताए ।
यता उपभोक्ता समितिका अध्यक्ष चौलागाईंले भने ओभरसियर धीरेन्द्र शाहीले नै बाटो तर्काउन भनेपछि डोजरले बाटो थोरै फरक स्थानमा हानेको बताए ।
कृषि विकास कार्यालय कालीकोटका प्रमुख भरत बस्नेतले डीपीआरभन्दा बाहिर सडक काटिएको स्वीकारे । ‘उहाँहरू सबैको भेला भई यही बाटो ठीक छ भनेर भन्नुभएको थियो । त्यही आधारमा हामीले यो वर्ष १७ लाख जति बजेट दिएका हौं । मैले त काम भुक्तानी दिँदैन भनेर भनेको हो,’ उनले भने, ‘विभिन्न व्यक्तिले भुक्तानीका लागि दबाब दिने प्रचलन त्यहाँ छ । सहमति भयो भनेर आएपछि पत्रकारको टीम नै लिएर म त्यहाँ गई नापजाँच गरी भुक्तानी दिएको हो ।’
उनले दाहाँका नागरिकबीच अघिल्लो वर्ष पनि यस्तै विवाद भएको र यो वर्ष पनि त्यस्तै विवाद भएको बताए । उनले कन्टिजेन्सी साँढे एक प्रतिशत काटिएको र बरुवा भने कार्यालयले नै खरिद गरेर दिएको जानकारी दिए ।
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...