काठमाडौं, ३१ वैशाख –आईतवार चलेको स्थानीय तहको निर्वाचनमा धमाधम मतदान भइरहेको छ । निर्वाचन आयोगका अनुसार विहान ७ बजेदेखि चलेको मतदानमा १० बजेसम्म करीव १५ लाखले मतदान गरिसकेका छन् । निर्वाचन आयोगका अनुसार हालसम्म करीव ३० प्रतिशत मतदाताले मतदान गरिसकेका छन् ।
आयोगका अनुसार मनाङमा ४२ प्रतिशतसम्म मत खसेको छ । सबै जिल्लामा औषतमा ३० प्रतिशत मत खसेको आयोगले जनाएको छ । विहान ७ बजेबाट सुरु भएको मतदान साँझ ५ बजेसम्म चल्नेछ ।
मतदान सकिएपछि निर्वाचन अधिकृतको निर्णय अनुसार मतपत्र गणना गरिने आयोगले बताएको छ ।
पहिलो चरण अन्तर्गत आइतवार ३ प्रदेशका ३४ जिल्लामा मतदान चलिरहेको छ । झण्डै साढे ६ हजार मतदान केन्द्रबाट मतदान चलिरहेको छ । तीन प्रदेशका झण्डै साढे ६ हजार मतदान केन्द्रबाट करीव साढे ४९ लाख मतदाताले मतदान गर्दैछन् ।
