०९ साउन २०८३, शनिबार
लुम्बिनी प्रदेशका मुख्यमन्त्री एवम् नेपाल कम्युनिस्ट पार्टी (नेकपा)का नेता शंकर पोखरेलले पार्टी एकताको रक्षाका लागि दुवै प्रतिवेदनलाई रोक्नुपर्ने बताएका छन् ।
शनिवार सामाजिक सञ्जाल फेसबूकमा लेख्दै उनले दुवै प्रतिवेदनलाई रोकी एकीकृत प्रतिवेदन बनाउने दिशामा सचिवालयको बैठक अग्रसर हुनुपर्ने बताएका छन् ।
उनले लेखेका छन्,'म फेरी पनि भन्छु पार्टी एकताको रक्षाका लागि दुबै प्रतिवेदनलाई स्थगित गरी एकीकृत प्रतिवेदन बनाउने दिशामा सचिवालयको बैठक अग्रसर होस्।'
शनिवार नेकपाको सचिवालय बैठक बस्दैछ ।
बैठकमा प्रधानमन्त्री एवम् पार्टी अध्यक्ष केपी शर्मा ओलीले अर्का अध्यक्ष पुष्पकमल दाहाल प्रचण्डले पेश गरेको राजनीतिक प्रतिवेदनको जवाफ दिने कार्यसूची तय भएको छ ।
