भारतको उत्तर प्रदेशमा एक यस्तो चोरीको घटना सार्वजनिक भयो जसको निर्णय प्रहरी वा अदालत नभई एक भैँसीले गरेको छ ।

कन्जोज जिल्लाको जलेसर सरहको अलीनगरका वीरेन्द्रले प्रहरीकहाँ उजुरी दर्ता गर्दै आफ्नो भैँसी धर्मेन्द्रले चोरेको र अरु कसैलाई बेचिदिएको बताएका थिए ।

यद्दपि धर्मेन्द्रले वीरेन्द्रको उक्त आरोप खण्डन गर्ने भैँसी आफ्नै भएको दाबी गरे । सोमबार भैँसीलाई प्रहरी चौकी ल्याइयो । प्रहरी चौकीमा ल्याइसकेपछि भैँसीलाई खुला छाडियो र प्रहरीले वीरेन्द्र र धर्मेन्द्र दुवैलाई भैँसीलाई बोलाउन लगाए ।

केही समयपछि भैँसी भर्मेन्द्र भएको ठाउँमा गयो र को असली मालिक हो भन्ने विवादको टुंगो लाग्यो । 

वरिष्ठ प्रहरी उपरीक्षक विजयकान्त मिश्रााले भने, ‘हामीले भैँसीलाई आफ्नो चाहना छनोट गर्न दिने विषयमा विचार गर्‍यौं । जब वीरेन्द्र र धर्मेन्द्रले भैँसीलाई बोलाए तब भैँसी धर्मेद्रको साथमा गयो र यो विवावद टुंगियो ।’

वीरेन्द्रले आफ्नो उजुरीमा धर्मेन्द्रले आफ्नो भैँसी चोरेर रसुलावाद गाउँका एक मुस्लिम किसानलाई बेचेको आरोप लगाएका थिए । मुस्लिम किसान जब पशु मेलामा भैँसीलाई बेच्न गएका थिए, त्यहाँ वीरेन्द्रले उसलाई समात्दै भैँसी आफ्नो भएको दावी गरे ।

केही समय त्यहाँ विवाद पनि भएको थियो । धर्मेन्द्रबाट आफूले भैँसी खरिद गरेको मुस्लिम किसानको बयानपछि वीरेन्द्रले धर्मेन्द्रविरुद्ध प्रहरीकोमा उजुरी दिएका थिए । 

प्रहरी चौकीमा धर्मेन्द्रले भैँसी आफ्नो भएको र केही दिनअघि १९ हजार रुपैयाँमा बिक्री गरेको बताएका थिए ।