२९ जेठ २०८३, शुक्रबार
दोलखाको मैलुङ गाउँपालिकाभित्र जुनसुकै कारणले मृत्यु भएकाका परिवारलाई गाउँपालिकाले तत्काल पाँच हजार दिने गरेको छ ।
आफ्नो क्षेत्रभित्र मृत्यु भएका परिवारलाई तत्काल सहयोग पुगोस् भन्ने उद्देश्यले गाउँपालिकाले वडा सचिवमार्फत रकम घरमै पुर्याइदिने गरेको हो ।
समाजलाई समाजिक रूपान्तरण गर्ने कुराको महशुस गर्दै गाउँपालिकाको छैठौँ गाउँसभा अधिवेशनबाट निर्णय गरी सो रकम दिँदै आएको अध्यक्ष नरबहादुर श्रेष्ठले बताए ।
आव २०७७/७८ बजेट नीति तथा कार्यक्रममा किरिया खर्चका लागि रु पाँच लाख र सुत्केरी पोषण खर्चका लागि रु पाँच लाख विनियोजन गरेकामा यसले नपुग्ने देखिएकाले आगामी हिउँदे अधिवेशनमा रु पाँच/पाँच लाख थप गर्ने गाउँपालिकाले जनाएको छ ।
उक्त गाउँपालिकामा स्वास्थ्य संस्थाभित्र सुत्केरी हुनेहरूका लागि ८ हजार ८ सय उपलब्ध गराउने गरिएको छ ।
