११ साउन २०८३, सोमबार
गृहमन्त्री एवं नेकपा सचिवालय सदस्य राममबहादुर थापा ‘बादल’ प्रधानमन्त्री एवं नेकपा अध्यक्ष केपी ओली समूहको बैठकमा सहभागी भएका छन् ।
ओली समूहमा सहभागी हुने थापा पूर्व माओवादी खेमाका प्रभावशाली नेता हुन् । उनी माओवादी केन्द्रमा पार्टी महासचिव थिए ।
प्रधानमन्त्री निवास बालुवाटारमा बिहीवार बसेकोे केन्द्रीय समिति बैठकमा बादल सहभागी भएका केन्द्रीय सदस्य खिमलाल भट्टराईले लोकान्तरलाई जानकारी दिए ।
यसअघि उनले आफ्नो कित्ता स्पष्ट पारेका थिएनन् । पुष्पकमल दाहाल ‘प्रचण्ड’ले मंगलवार बसेको आफूपक्षीय केन्द्रीय समिति सदस्यको बैठकमा अर्को दिनको बैठकमा बादल सहभागी हुने बताएका थिए ।
पूर्व माओवादी खेमाका टोपबहादुर रायमाझी, लेखराज भट्ट र मणि थापा यसअघि नै ओली पक्षको बैठकमा सहभागी भएका थिए । बादलले कित्ता स्पष्ट गरेसँगै नेकपा सचिवालयमा रहेका ९ जनामध्ये ओली समूहमा ४ जना खुलेर लागेका छन् । उपाध्यक्ष वामदेव गौतम भने बिहीवारसम्म कुनै कित्तामा लागेका छैनन् ।
