१० असार २०८३, बुधबार
नेपाली कांग्रेसका वरिष्ठ नेता रामचन्द्र पौडेलले चुनाव लड्न तनहुँ आउन प्रधानमन्त्री एवं नेकपा अध्यक्ष केपी शर्मा ओलीलाई चुनौति दिएका छन् । आफू पाँच पटक चुनाव जितेको व्यक्ति भएकाले चुनावसँग नडराउने पौडेलले बताए ।
पार्टी केन्द्रीय कार्यालय परिसर सानेपामा बिहीवार पत्रकारसँग कुरा गर्दै नेता पौडेलले प्रधानमन्त्री ओलीलाई तनहुँमा आएर चुनाव लड्न चुनौति दिएका हुन् । बुधवार एक टेलिभिजन अन्तरवार्ताको क्रममा ओलीले चुनाव हारिने डरले पौडेलले चुनावको विरोध गरेको आरोप लगाएका थिए ।
‘रामचन्दजी क्रान्तिकारी देखिन खोज्नुहुन्छ, चुनाव उठ्न पनि कठीन छ । उहाँको लागि निर्वाचन आकर्षणको विषय पनि भएन । हाउभाउ गरेर सभापति हुनसके फाइदा हुने भयो । त्यही भएर सांसद तिर होइन महाधिवेशन गरेर चलमलाउने दाउमा हुनुहुन्छ’ ओलीले अन्तवार्ताका क्रममा भनेका थिए ।
ओलीको आरोपप्रति आक्रोशित पौडेलले भने, ‘ओलीलाई तनहुँमा आएर चुनाव लड्न चुनौती दिन चाहन्छु ।’
