प्रतिनिधि सभा विघटनविरुद्ध परेका रिटमाथि सर्वोच्च अदालतको संवैधानिक इजलासमा सुनुवाइ शुरू भएको छ ।

प्रधानन्यायाधीश चोलेन्द्र शमशेर राणा नेतृत्वको इजलासमा शुक्रवार मध्याह्न १२ बजे बहस शुरू भएको हो ।

संवैधानिक इजलासमा प्रधानन्यायाधीश जबराका अलावा न्यायाधीशहरू हरिकृष्ण कार्की, विश्वम्भरलाल श्रेष्ठ, अनिलकुमार सिन्हा र तेजबहादुर केसी छन् । 

शुरूमा निवेदक अधिवक्ता सन्तोष भण्डारीले बहस शुरू गरेका छन् । 

बुधवार प्रधानन्यायाधीश राणाको एकल इजलासले प्रतिनिधि सभा विघटनविरुद्ध परेका सबै रिटको सुनुवाई संवैधानिक इजलासमा गर्ने आदेश गरेको थियो ।

प्रतिनिधि सभा विघटनविरुद्ध नेकपा संसदीय दलका प्रमुख सचेतक देव गुरुङ, वरिष्ठ अधिवक्ता दिनेश त्रिपाठी, अधिवक्ता लोकेन्द्र ओली लगायतले रिट दर्ता गरेका थिए ।