२६ जेठ २०८३, मंगलबार
बलिउड महानायक अमिताभ बच्चन सोशल मिडियामा निकै एक्टिभ हुन्छन् । उनी ट्विटरमार्फत शुभचिन्तकसँग निकै जोडिन्छन् ।
तर, धेरैले नबुझेको तर अचम्मको अमिताभको एउटा बानी छ । कुरा के हो भने अमिताभले वर्षौदेखि ट्वीटको साथमा नम्बरसमेत पोस्ट गर्दै आएका छन् ।
उनी किन यसो गर्छन् ? एउटा खास कुरा छ । चलचित्र बदलाको प्रमोसनको दौरानमा यो प्रश्नको अमिताभले सामना गर्नुपर्यो ।
आखिर किन अमिताभले ट्वीटको साथमा नम्बर राख्छन् ? शाहरुख खानले यसबारेमा अमिताभलाई सोधे ।
अमिताभले यसबारे भने, ‘कुन ट्वीट कति नम्बरमा छ ? पछि पत्ता लगाउनका लागि पनि सहज हुन्छ । मलाई नम्बरले सहयोग गर्छ ।’
वर्षौदेखि ट्वीटरमा सक्रिय अमिताभले हरेक पोस्टको अगाडि कति नम्बरको ट्वीट हो भन्ने जानकारीसहितको यो तरिका अरु कुनै पनि कलाकारले राख्ने गरेको पाइँदैन ।
