कोरोनाका कारण अनुहार मास्कले छोपेर यो वर्ष बितेको छ । यस्तो अवस्थामा मुस्काउँदा पनि मानिसले नदेख्ने स्थिति छ । 

तर चीनको एक विद्यालयका शिक्षकले कक्षामा प्रवेश गर्नुअघि मुस्काएको एउटा भिडियोले आजभोलि मानिसहरूलाई खुशी दिइरहेको छ । 

विद्यालयको कोरिडोरमा रहेको सीसीटीभीमा शिक्षकको मुस्कान कैद भएको छ । अनुहारमा मुस्कान राख्नु कति आवश्यक छ भन्ने कुरा यसले प्रमाणित गरेको छ । 

चीनको सरकारी टेलिभिजन सीजीटीएनले भिडियो शेयर गरेको हो । भिडियोमा देखिएका पुरुष शिक्षकले कक्षमा प्रवेश गर्नुअघि गहिरो सास लिएको अनि अनुहारमा मुस्कान ल्याएर बल्ल क्लासमा पसेको देखिन्छ । 

यो उत्तरी चीनको चिनह्वाङदाओको भिडियो हो ।