एक्सनले भरिपूर्ण फिल्म निर्देशकका रुपमा पहिचान बनाएका रोहित सेट्टी अब यस्तै एक वेब सिरिजका साथै डिजिटल दुनियाँमा प्रवेश गर्नका लागि तयार भएका छन् । 

दिग्गज स्टन्टम्यान एमबी सेट्टीका छोरा रोहीतले सिंघम, सिम्बा, चेन्नई एक्सप्रेस जस्ता फिल्म निर्देशन गरेका छन् ।

हालै उनी एक एक्सन एडभेन्चर शो फियर फ्याक्टरर्स ‘खतरोंका खेलाडी’का साथ टेलिभिजन जगतमा पनि प्रवेश गरिसकेका छन् । 

साथै अब रोहितले आठ एपिसोडवाला एक्सन थ्रिलर वेब सिरिज ल्याउन लागेको उनको टिमका एक सदस्यले जानकारी दिएका छन् । जो सत्य घटनामा आधारित हुनेछन् । 

सिरिजको शीर्षकलाई लिएर हालसम्म कुनै आधिकारिक धारणा भने सार्वजनिक गरिएको छैन । रोहित अहिले भने आफ्नो फिलम ‘सर्कस’ मै व्यस्त छन् ।

सर्कसमा अभिनेता रणवीर सिंहले काम गरिरहेका छन् । यो फिल्म विलियम सेक्सपियरको नाटक ‘द कमेडी अफ एयर्स’ मा आधारित छ ।

रोहित सेट्टी र अक्षय कुमारको निकै पर्खाइमा रहेको फिल्म सूर्यवंशी पनि अब रिलिजका लागि तयार पारिएको छ । यस फिल्मलार्ई गत वर्षको मार्चमै रिलिज गर्ने तयारी गरिएको थियो । 

लकडाउनका कारण एक वर्ष पछि धकेलिएको हो । यस फिल्ममा अक्षयकुमारका साथै क्याटरिना कैफ पनि देखिनेछिन् ।