३१ जेठ २०८३, आइतबार
२०२१ मा केही ‘स्टार किड्स’ बलिउड डेब्यु गर्न सक्ने अनुमान गरिएको छ ।
दैनिक भास्करको एक रिपोर्ट अनुसार अहान पाण्डे अभिनेत्री अनन्य पाण्डेको भाइ तथा चंकी पाण्डेको भतिज हुन् । जो यो बर्ष फिल्ममा देखिन पनि सक्छन् । समाचारका अनुसार उनी यशराज फिल्मस् प्रोडक्शनबाट करियर शुरु गर्दैछन् ।
यसैगरी अभिनेता शाहरुख खानका जेठो छोरा आर्यन खानको सामाजिक संजालमा धेरै फ्यान समेत रहेका छन् । यो बर्ष आर्यन करण जौहरको फिल्म ‘स्टुडेन्ट आफ द इयर ३’बाट करियर सुरु गर्नसक्छन् ।
उसो अभिनेता शाहरुख खानकी छोरी सुहाना खान समेत सामाजिक संजालबाट हट एण्ड बोल्ड अन्दाजको तस्बिर हमेसा सार्वजनिक गर्ने गर्दछिन् । उनी पनि यो बर्ष बलिउडमा डेब्यु गर्न सक्छिन् । यस अगाडि उनी छोटो फिल्म ‘द ग्रे पार्ट आफ ब्लु’मा देखिएकी थिइन् ।
यसैगरी अगस्त्य नन्दा छिट्टै फिल्ममा आउने खबर आएको छ । अगस्त्य अमिताभ बच्चन र जया बच्चनको नाती हुन् । उनी हालै करण जौहरको साथ एक पार्टीमा देखिएका थिए ।
यसैगरी अभिनेता संजय कपुरकी छोरी शनाया कपुर अनन्या पाण्डेको साथी पनि हुन् । उनी पनि अनन्य झै फिल्म आउन पनि सक्छिन् । समाचारका अनुसार उनी यो बर्ष फिल्ममा डेब्यु गर्नेछिन् । उनी जान्ह्वी कपुर अभिनित फिल्म ‘गुन्जन सक्सेनाः द कारगिल गर्ल’मा पनि असिस्टेन्ट निर्देशकको रुपमा रहेकी छिन् ।
श्रीदेवी र बोनी कपुरकी छोरी खुसी कपुर पनि फिल्मबाट आफ्नो करियर सुरु गर्न सक्छिन् । खुसी निकै ग्ल्यामर र इस्टाइलिस छिन् ।
