अमेरिकी राष्ट्रपतिमा जो बाइडेनले चुनाव जितेपछि आज शपथ ग्रहणको दिनसम्म आइपुग्दा शेयर बजारमा उछाल आएको छ । ग्लोबल रिसर्च संस्था सीएफआरएका अनुसार यसक्रममा बजार १३ प्रतिशत बढेको छ ।  अमेरिकी राष्ट्रपति चुनावको नतिजा आएपछि शपथ ग्रहण हुने दिनसम्म अमेरिकी शेयर बजारमा आएको उछालको यो उच्च रेकर्ड भएको समाचारमा जनाइएको छ ।

यस्तो पछिल्लो रेकर्ड जोन एफ केनेडीको नाममा रहेको थियो । २० जनवरी १९६१ मा केनेडीले सपथ लिएका थिए । त्यतिबेला सोही अवधिमा बजार इन्डेक्स ८.८ प्रतिशत रहेको थियो । उनले शपथ लिएपछि बजार ८.९ प्रतिशतसम्म बढेको थियो ।