०६ साउन २०८३, बुधबार
भारतले आफ्नो नयाँ बजेटमा नेपाललाई दिने सहायतामा पोहोर सालको तुलनामा केही वृद्धि गरेको छ ।
आज वाचन गरिएको बजेटमा भारतले नेपाललाई सन् २०२१–२२ को आर्थिक वर्षका लागि अनुदानका रूपमा ९.९२ अर्ब भारु छुट्ट्याएको छ । पोहोर साल भारतले नेपाललाई ८ अर्ब भारु छुट्ट्याएको थियो ।
सन् २०१९–२० को आर्थिक वर्षको तुलनामा यो कम रकम हो । त्यतिखेर नेपाललाई ११ अर्ब ९८ करोड भारु छुट्ट्याइएको थियो ।
भारतका छिमेकीमध्ये भुटानपछि सबभन्दा धेरै रकम पाउने मुलुक नेपाल नै हो । भुटानले २१ अर्ब २४ करोड भारु पाउने भएको छ ।
दक्षिण एसियाका अन्य मुलुक अफगानिस्तान, बंगलादेश, श्रीलंका र माल्दिभ्सले भारतबाट आर्थिक सहायता पाउने गरेका छन् ।
