१६ असार २०८३, मंगलबार
ब्लूमबर्ग पत्रिकाले बर्सेनि निकाल्ने ब्लूमबर्ग नवप्रवर्तन सूचकांकमा यो वर्ष दक्षिण कोरिया पहिलो स्थानमा पुगेको छ ।
अमेरिका भने शीर्ष १० मा समेत अटाउन सकेको छैन ।
कोरियाले जर्मनीलाई हटाएर पहिलो स्थान हासिल गरेको छ । जर्मनी चौथो स्थानमा खस्केको छ ।
दक्षिण कोरिया विगत नौ वर्षमा सात वर्ष सूचकांकको शीर्ष स्थानमा रहेको छ ।
सिंगापुर दोस्रो र स्विट्जरल्यान्ड तेस्रो स्थानमा रहेका छन् ।
ब्लूमबर्ग सूचकांकले अनुसन्धान तथा विकास खर्च, उत्पादन क्षमता तथा उच्च स्तरीय प्रविधि कम्पनीहरूको उपस्थिति लगायतका सात आधारमा रही विश्लेषण गर्ने गरेको छ ।
सन् २०२१ को र्यांकिङले कोभिड–१९ विरुद्धको लडाइँका क्रममा गरिएका नवप्रवर्तनलाई प्रतिबिम्बित गरेको छ । सरकारले महामारी रोक्न गरेको प्रयास, महामारीका बेलामा काम गर्न सजिलो बनाउने डिजिटल संरचना तथा महामारी अन्त्य गर्ने खोपहरूको विकास देखिएको छ ।
