नेपाल कम्युनिस्ट पार्टी (नेकपा) ओली समूहनिकट अखिल नेपाल महिला संघ (अनेमस‌ंघ)ले नेकपा प्रचण्ड–नेपाल समूहकी नेतृ रामकुमारी झाँक्रीलाई पक्राउ गरी कारवाही गर्न माग गरेको छ ।

राष्ट्रपतिको चरित्र हत्या गर्ने गरी अभिव्यक्ति दिएको आरोपसहित अनेमसंघले नेतृ झाँक्रीविरुद्ध गृहमन्त्री रामबहादुर थापा बादललाई ज्ञापन पत्र बुझाएको हो ।

ज्ञापनपत्र बुझ्दै गृहमन्त्री थापाले नेतृ झाँक्रीलाई कारवाही गर्ने आश्वासन दिए ।

गोरखाको सिराञ्चोकमा आयोजित एक कार्यक्रममा झाँक्रीले राष्ट्रपति भण्डारीलाई लक्षित गरी सेतो सारीमा चुनाव लडाउनु गल्ती थियो भन्ने आशय व्यक्त गरेकी थिइन् ।