२३ असार २०८३, मंगलबार
आन्तरिक राजश्व विभागको महानिर्देशकको जिम्मेवारी दीर्घराज मैनालीले पाउने भएका छन् ।
सरकारले राजश्व अनुसन्धान विभागको महानिर्देशक मैनालीलाई आन्तरिक राजश्व विभागमा लैजाने तयारी गरेको हो ।
मैनाली अहिले राजस्व अनुसन्धान विभागको महानिर्देशक छन् । जुन प्रधानमन्त्री कार्यालय अन्तर्गत पर्छ । आन्तरिक राजस्व विभाग भने अर्थमन्त्रालय अन्तर्गत पर्छ ।
मैनालीलाई ल्याउनको लागि प्रधानमन्त्री कार्यालयबाट अर्थमन्त्रालयमा सरुवा गर्नुपर्छ । यसको लागि सामान्य प्रशासन मन्त्रालयले सहमति दिनुपर्छ ।
आन्तरिक राजस्व विभागका महानिर्देशक बिनोद कुँवर गण्डकी प्रदेशमा सरुवा भएपछि पछिल्लो एक महिनादेखि आन्तरिक राजस्व विभागमा महानिर्देशक पद खाली थियो ।
मैनालीले २०६६ सालमा पनि निकै नै चर्चित भएको नक्कली भ्याटबिलको छानबिन गर्दा उपसचिवको हिसाबले विभागमा नै काम गरेका थिए ।
पछिल्लो २ वर्ष मैनालीले राजस्व अनुसन्धान विभागमा हुँदा नक्कली भ्याटबिल छानबिन र व्यवसायमा पारदर्शीता ल्याएको भिसिटिएस कार्यान्वयन गरेका थिए ।
