काठमाडौं, ८ जेठ – अभिनेत्री रेखा थापा पछिल्लो समय चलचित्रको भन्दा राजनैतिक टिप्पणीमा अग्रसर बन्न थालेकी छिन् । उनले सामाजिक सञ्जाल फेसबुकमा स्टाटस लेख्दै चितवनमा रेणु दाहालले जित्न खोज्दा पनि हारेको देख्न चाहने र काठमाडौंमा रञ्जु दर्शनाले कम मत ल्याउँदा पनि जितेको भनेर जनताले मूल्यांकन गर्दा आफूलाई अन्यायको महसुस भएको टिप्पणी गरेकी छिन् ।
उनले लेखेकी छिन्, ‘सामाजिक सञ्जालमा रेणुलाई जुन रुपमा लखेट्न खोजिएको छ, त्यो सच्चा नेपाली र योग्य मानिसले गर्ने काम होइन ।’
दुवै नारीले जित्नुपर्ने भन्दै उनले रञ्जुलाई खेद्न नहुने बताएकी हुन् ।
