काठमाडौं, १० जेठ– जारी मतगणनाको पछिल्लो परिणामअनुसार काठमाडौं महानगरपालिकाको मेयर पदका लागि नेकपा एमालेका उम्मेदवार विद्यासुन्दर शाक्य १३ हजार ४ सय १२ मतको फराकिलो अन्तरले अग्रस्थानमा छन् ।

पछिल्लो मतपरिणाम अनुसार निकटतम प्रतिद्वन्द्वी नेपाली कांग्रेसका उम्मेदवार राजुराज जोशीले ३१ हजार ४ सय ९५ मत ल्याउँदा एमालेका शाक्यले ४४ हजार ९ सय ८ मत ल्याएका छन् ।

यस्तै विवेकशील नेपाल पार्टीकी उम्मेदवार रञ्जु दर्शना १६ हजार ३ सय ६४ मत ल्याएर तेस्रो स्थानमा छिन् भने साझा पार्टीका किशोर थापा १२ हजार ३ सय ६३ मत ल्याएर चौथो स्थानमा छन् ।

यसअघि नै हार स्वीकार गरिसकेका नेकपा माओवादी केन्द्रका उम्मेदवार सर्वोत्तम डंगोलले ४ हजार ९ सय ६८ मत ल्याएका छन् ।