२४ जेठ २०८३, आइतबार
इजरायलमा मंगलवार भएको आमनिर्वाचनमा पुनः कुनै पनि दलको बहुमत नआएपछि एक कट्टर अरब इस्लामी पार्टीको भूमिका महत्त्वपूर्ण बनेको छ ।
बिहीवार बिहानसम्म ९० प्रतिशत मत गनिसकिएको छ । सत्तारूढ लिकुड पार्टी र सहयोगी दलले ५९ सीट ल्याएका छन् । संसदमा कुल १२० सीट छन् ।
त्यसैले बहुमतका लागि ६१ सीट पुर्याउन इस्लामिस्ट पार्टीको सहयोग आवश्यक परेको हो ।
प्रधानमन्त्री बेन्जामिन नेतान्याहुको गठबन्धन र उनका विपषी दलहरूको गठबन्धनमा एकदमै कम अन्तर छ । नेतान्याहू विरोधी दलहरूले ५६ सीट पाउने देखिन्छ ।
यस्तो अवस्थामा इस्लामिस्ट पार्टी रामले सरकार बनाउन ठूलो भूमिका खेल्नेछ । उक्त दलले कम्तीमा पाँच सीट जित्न सक्छ ।
उसले लिकुड पार्टीलाई समर्थन गरेमा नेतान्याहु पुनः प्रधानमन्त्री बन्नेछन् । तर लिकुड उग्रदक्षिणपन्थी दल हो ।
नेतान्याहु कट्टर राष्ट्रवादी हुन् । उनी प्यालेस्टाइनीहरूलाई बढी छुट नदिन वा गाजा स्ट्रिपमा इजरायली कोलोनी बनाउन इच्छुक छन् । यस्तो अवस्थामा रामले अप्राकृतिक गठबन्धन बनाउने सम्भावना रोचक हुनेछ ।
राम पार्टीले कसैलाई पनि समर्थन दिने नदिने विषयमा घोषणा गरिसकेको छैन । यो दल इजरायलमा अरब मूलका निवासीहरूको नेतृत्वको दाबी गर्छ । यहुदीबहुल इजरायलमा अरब मुसलमानहरूको संख्या थोरै छ ।
यस चुनावले पहिलोपटक प्यालेस्टाइन र अरब मुलुकहरूसँग सम्बन्ध राख्ने राम पार्टीलाई पाँच सीट दिने देखिएको छ ।
