०१ असार २०८३, सोमबार
अन्लाइन शपिङ गर्दा धोका पाइने सम्भावना धेरै हुन्छ । धेरै मानिसले एउटा सामान किनेको अनि अर्को आइपुगेको बताउने गरेका छन् ।
मलेसियामा यस्तै घटना भएको छ । एक व्यक्तिले आइफोनको अर्डर दिए तर उनलाई फोनको साटो टेबुल दिइयो । कम्पनीले पठाएको टेबुल ठ्याक्कै आईफोन जस्तै छ ।
एक युवकले ई–कमसै वेबसाइटमा एकदमै कम मूल्य देखेर आईफोन अर्डर गरे तर प्रोडक्ट डिस्क्रिप्सन राम्ररी हेरेनन् । आईफोन भन्ठानेर उनले आईफोन जस्तो देखिने टेबुल अर्डर गरेछन् ।
डेलिभरीपछि सामान खोल्दा त मानिसको जत्रो लम्बाइ भएको टेबुल पाए ।
टेबुलसँग उनले चारवटा खुट्टा पनि पाएका छन् । त्यसको डिजाइन आईफोन ६एस जस्तै छ । टच आईडी समेत छ ।
मूर्ख बनेका युवकको भिडियो भाइरल भइरहेको छ ।
