०७ असार २०८३, आइतबार
नेकपा एमाले सांसद योगेश भट्टराईले ताप्लेजुङको दोभान बजारमा भएको आगलागीबाट पीडितलाई क्षतिपूर्ति दिन सरकारको ध्यानाकर्षण गराएका छन् ।
प्रतिनिधिसभा बैठकको शून्य समयमा बोल्दै सांसद भट्टराईले आगलागीबाट ५२ घरमा क्षति पुगेको जानकारी दिए ।
आगलागीका घटना बढिरहेको र सदरमुकाममा मात्रै केही वर्षमा ५ पटकसम्म आगलागी भएको उनले बताए ।
‘आगलागी पीडितलाई तत्काल आवास र दैनिक आवश्यकताको व्यवस्थापन गर्न र दीर्घकालीन पुनःस्थापनाका लागि भूकम्पपीडित सरहको सुविधा दिन आग्रह गर्दछु,’ उनले भने ।
उनले दमकलको व्यवस्था गर्न समेत सरकारको ध्यानाकर्षण गराएका छन् ।
