घातक प्रदूषण फैलिएपछि विवेकशील साझाले भन्यो– स्वच्छ वातावरणमा बाँच्न पाउने हक सुनिश्चित गर

विवेकशील साझा पार्टीले राजधानी काठमाडौं उपत्यकासहित देशभर बढेको प्रदूषण अत्यन्तै घातक अवस्थामा पुगेको भन्दै सरकारको ध्यानाकर्षण गराएको छ ।

पार्टीका प्रवक्ता शरदराज पाठकले बुधवार एक विज्ञप्ति जारी गरी स्वच्छ र स्वस्थ वातावरणमा बाँच्न पाउने नागरिकको संवैधानिक हक सुनिश्चित गर्न माग गरेका हुन् ।


Advertisement

'काठमाडौं उपत्यकासहित देशभर पछिल्लो समय वायु प्रदूषण उच्च भई अत्यन्त घातक अवस्थामा पुगेको छ। काठमाडौं विश्वकै सबैभन्दा प्रदूषणयुक्त शहरको सूचीमा पहिलो नम्बरमा पुग्दा समेत सरकारले प्रदूषण नियन्त्रणका लागि गम्भीर चासो र तत्परता नदेखाउनुले थप चिन्ता बढाएको छ,' प्रवक्ता पाठकले जारी गरेको विज्ञप्तिमा भनिएको छ, 'नेपालको संविधानले हरेक नागरिकले स्वच्छ र स्वस्थ वातावरणमा बाँच्न पाउने हकको सुनिश्चित गरेको सरकारलाई विवेकशील साझा पार्टी स्मरण गराउँदछ ।'

देशभर फैलिएको डढेलो र धूलोधूवाँ नियन्त्रणमा परिणाममुखी काम गर्न विवेकशील साझाले सरकारलाई सुझाव दिएको छ । 


Advertisement

'वर्षा र पश्चिमी वायुको गति हाम्रो अधीनमा नरहे पनि हालको प्रदूषणका प्रमुख कारक देशका अधिकांश स्थानमा लागेको डढेलो तथा धूवाँधूलो न्यूनीकरणमा तत्काल परिणाममुखी काम गर्नु अत्यन्त जरुरी छ,' विज्ञप्तिमा भनिएको छ ।

हेर्नुहोस् विज्ञप्ति :

प्रेस विज्ञप्ति: स्वच्छ र स्वस्थ वातावरणमा बाँच्न पाउने नागरिकको संवैधानिक हक सुनिश्चित गर

काठमाडौं उपत्यकासहित देशभर पछिल्लो समय वायु प्रदूषण उच्च भई अत्यन्त घातक अवस्थामा पुगेको छ। काठमाडौं विश्वकै सबैभन्दा प्रदूषणयुक्त सहरको सूचीमा पहिलो नम्बरमा पुग्दासमेत सरकारले प्रदूषण नियन्त्रणका लागि गम्भीर चासो र तत्परता नदेखाउनुले थप चिन्ता बढाएको छ।

नेपालको संविधानले हरेक नागरिकले स्वच्छ र स्वस्थ वातावरणमा बाँच्न पाउने हकको सुनिश्चित गरेको सरकारलाई विवेकशील साझा पार्टी स्मरण गराउँदछ ।

वर्षा र पश्चिमी वायुको गति हाम्रो अधीनमा नरहे पनि हालको प्रदूषणका प्रमुख कारक देशका अधिकांश स्थानमा लागेको डढेलो तथा धुवाँ-धुलो न्यूनीकरणमा तत्काल परिणाममुखी काम गर्नु अत्यन्त जरुरी छ।

संघ, प्रदेश र स्थानीय सरकारबीच समन्वय गरी सामुदायिक समूहहरूको समेत साथ लिएर सेना र प्रहरीलाई आवश्यक उपकरणसहित डढेलो नियन्त्रणमा अविलम्ब खटाउन विवेकशील साझा पार्टी आग्रह गर्दछ। डढेलो नियन्त्रणका लागि अन्य मुलुकले उपयोग गरिआएको हेलिकप्टरबाट रसायन छर्किने सहितका प्रविधिको उपयोगबारे पनि  तत्काल तयारी अघि बढाउन हामी आह्वान गर्दछौँ।

त्यसै गरी धुवाँ धुलो नियन्त्रणका लागि केही समय सवारी साधन संचालनमा जोरबिजोर प्रणाली लागू गर्ने, सम्भव भएसम्म घरबाट काम गर्न प्रेरित गर्ने, आवश्यक परे प्रदूषण गर्ने उद्योग कलकारखाना केही समय बन्द गर्ने लगायतका उपाय लगाउनु वाञ्छनीय हुनेछ।

अहिलेको समस्या वातावरणीय मात्रै नभई यसले जनस्वास्थ्यमाथि पनि ठुलो संकट ल्याउन सक्ने भएकाले न्यूनीकरणका लागि हरेक नागरिकले आफ्नो कर्तव्य निर्वाह गर्नु जरुरी छ। फोहोर तथा अन्य बस्तु नजलाउने, अत्यावश्यक नपरी घरबाट ननिस्कने र निस्कनै परे सकभर सार्वजनिक यातायात प्रयोग गर्ने, खुला स्थानमा धूम्रपान नगर्ने, डढेलो जोखिमयुक्त क्षेत्रमा निगरानी बढाउने जस्ता कार्य नागरिक स्तरबाट गरिनुपर्छ।

प्रदूषणको समस्या अहिले अत्यन्त ठुलो देखिए पनि यो दीर्घकालीन समस्या भएकाले हाम्रा नीति र कार्ययाेजना त्यसै अनुरूप प्रभावकारी हुनु जरुरी छ। डढेलो नियन्त्रण रणनीतिको प्रभावकारी कार्यान्वयन, भौतिक विकास र पर्यावरण संरक्षणबीचको उचित सन्तुलन, खाना पकाउने विद्युतीय उपकरण र विद्युतीय सवारी साधनको प्रयोगलाई व्यापक प्रवर्द्धन गरिनुपर्दछ।

समस्या धेरै बढ्दा केही सरोकार देखाउने र अलिकति कम भएपछि पूर्णतः बेवास्ता गर्ने सरकारी प्रवृत्ति स्वीकार्य छैन।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्