३१ जेठ २०८३, आइतबार
मंगलग्रहमा अमेरिकी अन्तरिक्ष नियोग नासाले पठाएको मार्स रोभर पर्सिभियरेन्सले ‘इन्द्रधनुष’ जस्तो देखिने वस्तुको गजबको तस्वीर खिचेर पठाएको छ ।
नासाले ट्वीट गरेर यसको जानकारी दिएको छ । फोटोको क्याप्सनमा लेखिएको छ, ‘धेरै मानिसले यो मंगलग्रहको इन्द्रधनुष हो भनी सोधेका छन् । मंगलमा इन्द्रधनुष बन्न सक्दैन । इन्द्रधनुष प्रकाश परावर्तन तथा पानीका साना
थोपाको संयोजनबाट बन्छ र त्यो बन्नका लागि मंगलमा पर्याप्त पानी छैन । त्यो खासमा रोभरको क्यामराको लेन्समा प्रकाश टल्किएको मात्र हो ।’
मंगलग्रहमा वातावरण एकदमै सुक्खा छ । त्यहाँको वातावरणमा लगभग ९५ प्रतिशतसम्म टक्सिक कार्बनडाइअक्साइड छ । त्यसबाहेक ४ प्रतिशत नाइट्रोजन छ भने १ प्रतिशत अक्सिजन र वाष्प छ ।
मार्स रोभरले फेब्रुअरी १८ मा यो तस्वीर खिचेको थियो । त्यसदिन रोभर मंगलग्रहमा अवतरण गरेको थियो ।
नासाको सोलर सिस्टम एक्सप्लोरेसन प्रोग्राम एक्जेक्युटिभ डेभ लावरीले तस्वीरमा देखिएको रंगको रेखा मंगलग्रहको धूलो पनि हुन सक्ने र सूर्यको प्रकाशले त्यो टल्किएको हुन सक्ने बताए । अनि लेन्सको चमकले पनि यस्तो दृश्य देखाएको हुनसक्ने उनको भनाइ छ ।
