पश्चिम बंगाल विधानसभा निर्वाचनमा छैटौं चरणको मतदान, के गर्दैछ भाजपा ?

भारतको पश्चिम बंगाल राज्यको विधानसभामा छैटौं चरणको मतदान जारी छ । यस चरणमा चार जिल्लाका ४३ सीटमा मतदान भइरहेको छ । 

कुल ३०६ उम्मेदवारको भाग्यको परीक्षा भइरहेको छ । 


Advertisement

भारतीय जनता पार्टीले नागरिकताको वाचा, मतुआ फ्याक्टर, जुट मिल बन्द भएको विषय, बेरोजगारी र कृषि संकट लगायतका कुरा उठाइरहेको छ । 

भाजपा सांसद अर्जुन सिंहको वर्चस्व यी क्षेत्रहरूमा छ । उनी पहिले तृणमूल कांग्रेसमा थिए । 

उनले यी क्षेत्रहरूमा हिन्दूत्वको मुद्दा उठाएर ध्रुवीकरणको कोशिश गरेका छन् । विगत तीन वर्षमा यी क्षेत्रहरूमा राजनीतिक र साम्प्रदायिक हिंसा भएका छन् । 

यस चरणको मतदानमा मतुआ फ्याक्टर पनि महत्त्वपूर्ण छ । राज्यमा मतुआहरू लगभग ३० लाख छन् र कम्तीमा ३० विधानसभा सीटमा उनीहरूको महत्त्वपूर्ण भूमिका मानिन्छ । 

भाजपाले सीएए नियाम बनाउने वाचा गरेर उनीहरूलाई फकाउने कोशिश गरेको छ । 
 

तृणमूल अध्यक्ष ममता बनर्जी र भतिजा सांसद अभिषेक बनर्जीले एक हप्तामा ३५ जनसभा गरेका छन् । तर तृणमूलले बंगालमा कोरोनाको केस बढ्नुमा भाजपाको अत्यधिक सभालाई दोषी ठहर गरेको छ । भाजपाले अन्य राज्यबाट पनि मानिस बोलाएर महामारी फैलाइरहेको तृणमूलको आरोप छ ।
 

तृणमूलले निर्वाचन आयोगलाई बाँकी चरणका मतदान एकैपटक सक्न अपील गरेको छ भने भाजपाले संवैधानिक दायित्वको कुरा गर्दै आठ चरणमा नै चुनाव सक्न भनेको छ ।
 

एजेन्सी
एजेन्सी

लेखकबाट थप...

कमेन्ट गर्नुहोस्