एमालेले बनायो स्थायी कमिटी– वामदेव र बादल समेटिँदा माधव नेपाल पक्षका कोही परेनन् !

नेकपा एमालेले स्थायी कमिटी गठन गरेको छ ।

चैत्र १० गतेको बैठकले नवौ‌ं महाधिवेशनबाट गठन गरेको पदाधिकारी र स्थायी कमिटी भंग गरी महाधिवेशन आयोजक कमिटी गठन गरेको थियो । 


Advertisement

प्रधानमन्त्री निवास बालुवाटारमा शुक्रवार बसेको दशौं महाधिवेशन आयोजक कमिटी बैठकले स्थायी कमिटी गठन गरेको हो ।

स्थायी कमिटीमा अध्यक्ष एवं प्रधानमन्त्री केपी शर्मा ओली, नेता वामदेव गौतम, महासचिव ईश्वर पोखरेल लगायत छन् । 

गौतम यसअघि एमालेको उपाध्यक्ष थिए । 

शुक्रवार गठन गरिएको स्थायी कमिटीमा गृहमन्त्री रामबहादुर थापा, अर्थमन्त्री विष्णु पौडेल, सुवास नेम्वाङ, शंकर पोखरेल छन् ।

एमाले उपमहासचिव रहेका पौडेल नेकपाको महासचिव थिए । 

स्थायी कमिटीका पूर्व सचिव प्रदीप ज्ञवाली, माओवादीबाट एमाले आएका लेखराज भट्ट, टोपबहादुर रायमाझी पनि समेटिएका छन् ।  

सत्यनारायण मण्डल, विष्णु रिमाल, छविलाल विश्वकर्मा, पृथ्वीसुब्बा गुरुङ, रघुवीर महासेठ, केशव बडाल पनि स्थायी कमिटीमा समेटिएका एक केन्द्रीय सदस्यले जानकारी दिए । 

स्थायी कमिटीमा माधव नेपाल पक्षका नेताहरूलाई भने राखिएको छैन ।

यसअघि बैठकमा उपस्थित नभएपनि माधव नेपाल र झलनाथ खनाललाई संसदीय बोर्डमा राखिएको थियो ।

बैठक बालुवाटारमा जारी छ । 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्