१४ असार २०८३, आइतबार
पछिल्लो २४ घण्टामा थप झण्डै ५ हजार व्यक्तिमा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले सार्वजनिक गरेको विवरण अनुसार बिहीवार थप ४ हजार ९२८ जनामा कोरोना पुष्टि भएको छ ।
कूल १३ हजार ५६० जनाको परीक्षण गर्दा आरटी–पीसीआरबाट ४ हजार ८३१ र एन्टिजेनबाट ९७ जनामा कोरोना पुष्टि भएको मन्त्रालयले जनाएको छ । यससँगै हालसम्म कूल संक्रमितको संख्या ३ लाख १७ हजार ५३० पुगेको छ । जसमध्ये २ लाख ८० हजार १६७ संक्रमित निको भइसकेका छन् । पछिल्लो २४ घण्टामा थप ८८८ संक्रमित निको भएका छन् ।
बिहीवार देशभर सक्रिय संक्रमितको संख्या ३४ हजार ११७ रहेको मन्त्रालयले जनाएको छ ।
कोरोनाले थप ३५ जनाको मृत्यु भएको छ । यससँगै मृत्यु हुनेको कूल संख्या ३ हजार २४६ पुगेको मन्त्रालयले जनाएको छ ।
