चर्चित गायक प्रकाश सपुतलाई कोरोना भाइरस संक्रमण पुष्टि भएको छ । 

बिहीवार गरिएको पीसीआर परीक्षणमा कोरोना संक्रमण पुष्टि भएको गायक सपुतले जानकारी गराएका छन् । 

उनले आफूलाई शरीर धेरै दुख्ने, गल्ने, छटपटी हुने जस्ता लक्षणहरू देखिएपछि परीक्षण गराएको समेत बताएका छन् । 

सामाजिक सञ्जाल फेसबूकमा लेख्दै गायक सपुतले भनेका छन्, म होम आईसोलेशनमा छु । अवस्था सामान्य छ । कोरोना जित्न सकिन्छ भन्ने आत्मबल त राखौं तर यसलाई सामान्य भने नठानौँ । किनकि लक्षण सामान्य भएपनि यसले निकै हतोत्साहित बनाउने रहेछ । सतर्कता अपनाउ । सुरक्षित बसौँ !