१० असार २०८३, बुधबार
चीनको लोङजिङ शहरमा रहेको ३३० फीट अग्लो शीशाको पुलमा हावाहुण्डरी आएर प्यानलहरू ध्वस्त भएपछि एक पर्यटक ज्यान जोगाउन रेलिङमा टाँसिएका छन् ।
शीशाको सतह भएको उक्त पुल पियान पहाडमा बनेको रिजोर्टमा छ ।
शुक्रवार आएको हावाहुण्डरीका कारण शीशाका प्यानलहरू झरेपछि उक्त व्यक्ति आत्तिएर रेलिङ समातेर बसेको देखिन्छ ।
ती व्यक्ति पुलमा केही समयका लागि अड्केका थिए ।
उनलाई अग्निनियन्त्रक, प्रहरी, वन विभाग तथा पर्यटन क्षेत्रका कर्मचारीले सुरक्षित स्थानतिर डोहोर्याएका थिए ।
पछि उनलाई अस्पताल लगियो । त्यहाँ उनलाई मनोपरामर्श दिइएको छ ।
उक्त घटनापछि केही समयका लागि रिजोर्ट बन्द गरिएको छ ।
चीनका पहाडमा बनाइएका रिजोर्टहरूमा पर्यटकको आकर्षणका लागि शीशाको भुइँ भएका पुलहरू राखिएका छन् ।
सामान्य अवस्थामा त्यो पुल यस्तो देखिन्छ :
