काठमाडौं, १७ जेठ–सरकारले दोस्रो चरणको स्थानीय तह निर्वाचनको मिति पुनः सारेको छ । प्रधानमन्त्रीको सरकारी निवास बालुवाटारमा आज बिहान बसेको मन्त्रिपरिषद बैठकले असार १४ गतेका लागि चुनावको मिति सारेको हो ।

जेठ ३१ गतेका लागि गर्ने भनिएको स्थानीय चुनावको मिति सारेर ९ गते पुर्याइएको थियो । उक्त दिन मुस्लीम धर्मावलम्बीहरुको महान पर्व रमझान पर्ने भन्दै चुनाव ५ दिन सारिएको हो ।

गृहमन्त्री बिमलेन्द्र निधिको प्रस्तावमा दोस्रो चरणको चुनावको मिति सार्ने निर्णय गरिएको बिज्ञान तथा प्रविधि मन्त्री प्रेमबहादुर सिंहले लोकान्तरलाई बताए ।

सरकारको निर्णयसँगै अब प्रदेश नम्बर १, २, ५ र ७ मा असार १४ गते चुनाव हुने छ । प्रदेश नम्बर ३, ४ र ६ मा भने पहिलो चरण अन्तर्गत वैशाख ३१ गते चुनाव सम्पन्न भएको थियो ।