भारतको पश्चिम बंगालमा पूर्व उपसभामुख सोनाली गुहापछि थप दुई नेताले तृणमूल कांग्रेस पार्टीमै फर्किने इच्छा व्यक्त गरेका छन् । 
 

माल्दा जिल्ला परिषद् सदस्य सरला मुर्मुले गल्तीको अनुभव गरेको बताएकी छन् । अनि उत्तरी दिनाजपुरका पूर्व विधायक अमोल आचार्यले तृणमूलका दिग्गज नेताहरूलाई सीबीआईले सताएको देखेपछि भाजपा छोड्न खोजेको बताए । 
 

मुर्मुलाई विधानसभा निर्वाचनमा हबीबपुरबाट तृणमूलले टिकट दिएको थियो । तर उनी र जिल्ला परिषद् सभाधिपति गौर मण्डल शुभेन्दु अधिकारीको अनुरोधमा भाजपामा प्रवेश गरेका थिए । 

जिल्लामा तृणमूलले १२ मध्ये आठ जिल्ला जितेपछि मुर्मुले पुरानो दलसँग सम्पर्क कायम गरिन् । 

‘भाजपामा प्रवेश गर्नु मेरो भूल थियो । अहिले मुख्यमन्त्रीले भगौडाहरूलाई फर्किन आह्वान गरेकोमा म फर्किन चाहन्छु,’ उनले आइतवार बताइन् । 
 

इटाहारबाट दुईपटक विधायक बनेका र उत्तरी दिनाजपुरमा तृणमूलका तर्फबाट पूर्व जिल्ला अध्यक्ष आचार्यलाई यसपालि टिकट दिइएन । रिसाएर उनी भाजपा प्रवेश गरे तर त्यहाँ पनि उनले टिकट पाएनन् । 
‘

मैले ममता बनर्जीलाई नै मेरो नेता मानेको छु । तर मलाई टिकट दिइने छैन भन्ने कल्पना गरेको थिइनँ । म चिन्तित भएर भाजपामा प्रवेश गरें । त्यो भूल थियो । मैले मुख्यमन्त्रीसँग माफी माग्दै चिट्ठी लेखेको छु । मलाई माफ गर्छन् भन्ने आशा छ,’ उनले बताए ।