इजिप्टमा एक बालकले चोरी गरेपछि उनका पिताले निकै कठोर सजाय दिएका छन् । 

सजायका रूपमा पिताले छोरालाई काठको पोलमा बाँधे अनि जिउभरि मह खन्याएर मौरी निम्त्याए । 

घटना मे २५ मा काल्युबिया भन्ने ठाउँमा भएको हो । एकजना छिमेकीले चोरीको आरोप लगाएपछि पिताले छोरालाई सजाय दिएका हुन् । 
 

मुहम्मद डी नामक सात वर्षीय बालकको ढाडमा काठको पोल राखेर हातलाई पछिल्तिर लगेर बाँधिएको र कीराहरू उनको छालामा घस्रिरहेको तस्वीरमा देखिन्छ । 

३४ वर्षीय पिताको नाम खुलाइएको छैन र उनलाई पक्राउ गरिएको छ । 

उनले मुहम्मदलाई घरको छतमा राखेका थिए । त्यहाँ लामखुट्टे र मौरीहरू मह सुँघ्दै आइपुगेका थिए । 

बालकलाई कतिन्जेल त्यस अवस्थामा राखिएको भनी थाहा हुन सकेन । 

पछि आमाले यो भयानक दृश्य देखेर बालउद्धार अधिकारीहरूलाई बोलाइन् । 

ती क्रूर पिताले यसअघि पनि बालकलाई यातना दिने गरेको आमाको कथन छ । लामो समय भोकैप्यासै राख्ने काम पनि तिनले गरेका थिए ।